«Qasoskorlar: Qiyomat kuni» uchun Dunkin' hamkorligi 4 noyabrda boshlanadi

«Qasoskorlar: Qiyomat kuni» (Avengers: Doomsday) filmi oldidan Dunkin' bilan maxsus hamkorlik 4 noyabr kuni AQShdagi tanlangan nuqtalarda yo'lga qo'yiladi. Oy davomida yana qo'shimcha e'lonlar berilishi rejalashtirilgan. Filmning o'zi esa 2026-yil 18-dekabrda kinoteatrlarga chiqadi.

Hamkorlik doirasida Doctor Doom obraziga bag'ishlangan ikki ichimlik taqdim etiladi. Doom's Orders Energy tarkibiga yashil olma, gazli suv va Purple Marshmallow Cold Foam kiradi. Doom Cloud Latte esa espresso, mocha va vanilga Sweet Cold Foam hamda kakao kukuni qo'shilgan holda tayyorlanadi.

Shuningdek, ikki turdagi ponchik ham chiqariladi. Doomsday Donut sifatida Dunkin'ning Brownie Batter Donut'i yashil va shokolad sepilmalari bilan qaytariladi. Avenging Donut esa cotton candy to'ldirmasi bilan taklif qilinadi.

Kolleksiya mahsulotlari orasida Doctor Doom'ning mashhur metall niqobi va yashil kapyushoniga o'xshash ko'rinishdagi 25 dona MUNCHKINS uchun quti ham bor. U ichidagi donut teshikchalari bilan birga 14.99 dollar turadi va zaxira tugaguncha sotiladi. Bundan tashqari, 24.99 dollarlik stakanlar, 14.99 dollarlik rangini o'zgartiruvchi krujka, Doctor Doom, Black Panther, Mister Fantastic va Captain America'dan ilhomlangan 14.99 dollarlik qo'lqop shaklidagi g'iloflar, shuningdek 8.99 dollarlik personajli g'iloflar ham sotuvga chiqadi.

Filmga Anthony va Joe Russo rejissyorlik qilgan. Ular avval «Qasoskorlar: Cheksizlik jangi» (Avengers: Infinity War) va «Qasoskorlar: Intiho» (Avengers: Endgame) filmlarini ham suratga olgan edi. Aktyorlar tarkibida Robert Downey Jr., Chris Evans, Chris Hemsworth, Pedro Pascal, Vanessa Kirby, Anthony Mackie, Florence Pugh, Tom Hiddleston, Patrick Stewart, Ian McKellen, James Marsden va Channing Tatum bor.

Treyler

«Qasoskorlar: Qiyomat kuni»ni FreeKino'da o'zbek tilida tomosha qilishingiz mumkin: «Qasoskorlar: Qiyomat kuni».

Manba: Collider