Maxfiylik siyosati

Ushbu maxfiylik siyosati Freekino.net saytiga tashrif buyurganingizda qanday ma'lumotlar yig'ilishi va ular qanday ishlatilishini tushuntiradi.

1. Yig'iladigan ma'lumotlar

Saytni ko'rish uchun ro'yxatdan o'tish talab qilinmaydi (fayllarni saytdan yuklab olish va izoh yozish uchun — Telegram orqali kirish kerak, 2-bo'lim). Quyidagi ma'lumotlar avtomatik ravishda yig'ilishi mumkin:

  • IP manzil
  • Brauzer turi va versiyasi
  • Qurilma ma'lumotlari
  • Tashrif buyurilgan sahifalar va vaqt

2. Telegram orqali kirish

Saytga @FreeKinoHD_BOT orqali Telegram hisobingiz bilan kirishingiz mumkin — parol ham, telefon raqami ham so'ralmaydi. Saytdan fayl yuklab olish uchun kirish talab qilinadi (bot orqali yuklab olish va onlayn tomosha — kirmasdan ham). Kirganingizda quyidagilar saqlanadi:

  • Telegram ID, ism, username (bo'lsa) va til sozlamasi
  • Profil rasmingizning kichik nusxasi (Telegram maxfiylik sozlamalari ruxsat bersa)
  • Saqlanganlar ro'yxati va "Davom ettirish" uchun ko'rish joyi
  • Ko'rilganlar tarixi (oxirgi 100 ta) — «Hisobim» sahifasida istalganini yoki hammasini o'chirishingiz mumkin
  • Obuna bo'lgan serial va kinolaringiz (yangisi chiqsa xabar berish uchun)
  • Kunlik yuklab olish cheklovi uchun shu kun ochilgan yuklab olish sahifalari (2 kun saqlanadi)
  • Oxirgi kirish vaqti va IP manzili (xavfsizlik uchun)

Bu ma'lumotlar faqat ro'yxatlaringizni qurilmalar orasida sinxronlash va siz so'ragan bildirishnomalarni yuborish uchun ishlatiladi, uchinchi shaxslarga berilmaydi (izoh yozsangiz, ismingiz va rasmingiz izoh yonida ko'rinadi — 3-bo'lim). Ularni saytdagi «Hisobim» sahifasida ko'rishingiz mumkin. Botda: /obunalar — obunalarni ko'rish va bekor qilish, /chiqish — barcha qurilmalardan chiqish, /ochirish — hisobingiz va barcha ma'lumotlaringizni o'chirish.

3. Izohlar

Kino va serial sahifalarida izoh yozish uchun Telegram orqali kirish kerak. Izohingiz matni, Telegram'dagi ismingiz, profil rasmingiz (bo'lsa) va yozilgan vaqti saytning barcha tashrifchilariga ko'rinadi. Telegram ID va username ko'rsatilmaydi, izohlarga bosgan layk/dizlayk va shikoyatlaringiz boshqalarga ko'rinmaydi.

Havola, telefon raqami, @kanal yoki so'kinish bor izohlar avtomatik tekshiruvga tushadi va ma'muriyat ko'rib chiqquncha faqat o'zingizga ko'rinadi. Qoidani buzgan izoh yashirilishi yoki o'chirilishi, muallifiga esa izoh yozish cheklanishi mumkin. O'z izohingizni istalgan vaqtda o'chira olasiz; botda /ochirish bilan hisobingizni o'chirsangiz, barcha izohlaringiz ham o'chadi.

4. Cookie fayllar va brauzer xotirasi

Sayt cookie fayllardan foydalanadi. Cookie — brauzeringizda saqlanadigan kichik matn fayllari bo'lib, saytning to'g'ri ishlashi va statistika yig'ish uchun ishlatiladi. Telegram orqali kirganingizda sizni eslab qolish uchun cookie (400 kungacha) o'rnatiladi. Saqlanganlar ro'yxati va ko'rish joyi kirmasdan ham shu qurilmaning brauzer xotirasida (localStorage) saqlanadi.

5. Uchinchi tomon xizmatlari

Saytda quyidagi uchinchi tomon xizmatlari ishlatiladi:

  • Google Analytics — sayt trafikini tahlil qilish uchun
  • Yandex.Metrika — sayt statistikasi uchun
  • Yandex RTB — reklama ko'rsatish uchun
  • IP Geolocation by DB-IP — IP manzil bo'yicha mamlakat va shaharni aniqlash uchun

Bu xizmatlar o'z cookie fayllarini joylashtirishi va ma'lumotlarni yig'ishi mumkin. Batafsil ma'lumot uchun ularning maxfiylik siyosatlariga murojaat qiling.

6. Ma'lumotlardan foydalanish

Yig'ilgan ma'lumotlar quyidagi maqsadlarda ishlatiladi:

  • Saytning to'g'ri ishlashini ta'minlash
  • Sayt trafikini tahlil qilish va yaxshilash
  • Reklama ko'rsatish
  • Siz obuna bo'lgan kontent haqida Telegram orqali xabar yuborish
  • Izohlaringizni saytda ko'rsatish

7. O'zgarishlar

Ma'muriyat ushbu maxfiylik siyosatini istalgan vaqtda yangilash huquqini o'zida saqlaydi. Oxirgi yangilanish: 2026-yil 26-oktabr.