«Yetti qirollik ritsari» 1-fasli kartochkalar to'plami 2026 yil qishda chiqadi
Rittenhouse Archives HBO'ning «Yetti qirollik ritsari» (A Knight of the Seven Kingdoms) seriali 1-fasliga asoslangan yangi trading card to'plami 2026 yil qishda chiqishini tasdiqladi. Hozircha kartochkalar tarkibi va formatiga oid qo'shimcha tafsilotlar ochiqlanmadi.
Manbaga ko'ra, serialning birinchi fasli tomoshabinlar va tanqidchilar tomonidan iliq kutib olingan. Hozir loyiha Rotten Tomatoes'da 94 foiz, IMDb'da esa 8.6/10 bahoga ega. Nisbatan ixchamroq ko'lamdagi ishlanishi ham serial foydasiga ishlagani, shuningdek u «Taxtlar o'yini»dagi siyosiy kurash va saroy fitnalaridan chetroq yo'nalishni taklif qilgani qayd etilgan.
Rittenhouse Archives'ning boshqa to'plamlariga qaraganda, «Yetti qirollik ritsari» kartochkalari ham o'xshash tuzilishda chiqishi mumkin, ammo aniq o'zgarishlar bo'lishi ehtimoli bor. Kompaniya 21 oktyabr kuni «Ajdarho uyi» (House of the Dragon) bo'yicha ikkinchi kartochkalar seriyasini ham chiqaradi: unda aktyorlar imzosi tushirilgan kartalar bo'ladi. Base Set 65 ta kartadan iborat bo'lib, har bir qism uchun 3 tadan karta va 41 ta qahramon kartasini o'z ichiga oladi. Bonus Set esa 30 dan ortiq imzo egasining Autograph Cards kartalari hamda 30 dan ortiq rassom chizgan Sketch Cards kartalarini jamlaydi.
Shuningdek, «Ajdarho uyi» to'plamidagi ayrim noyob kartalar ham sanab o'tilgan: «All Must Choose» Black (CT1) va Green (CT2) Metal Card Case Topper kartalari har bir qutida bittadan uchraydi. Emma D'Arcy va Matt Smith ishtirokidagi Dual Autograph Card, shuningdek Rhys Ifans va Olivia Cooke ishtirokidagi Dual Autograph Card esa har sakkiz qutining bittasida bo'ladi.
Bundan tashqari, «Yetti qirollik ritsari» 2-fasl suratga olish ishlari yaqinda yakunlangan. Hozircha uning chiqish muddati 2027 yil boshidan o'rtalarigacha bo'lgan davr sifatida ko'rsatilgan. Ayni paytda serial uch faslga mo'ljallangani aytilmoqda, biroq serial yaratuvchisi Ira Parker uni bundan ancha uzoq davom ettirish istagini avval ham ochiq bildirgan.
Treyler
«Yetti qirollik ritsari»ni FreeKino'da o'zbek tilida tomosha qilishingiz mumkin: «Yetti qirollik ritsari».
Manba: Screen Rant
