«Uzuklar hukumdori: Qudrat uzuklari» 3-fasli 11-noyabrda start oladi

Prime Video «Uzuklar hukumdori: Qudrat uzuklari» (The Lord of the Rings: The Rings of Power) serialining uchinchi faslini shu hafta boshlaydi. Sakkiz qismdan iborat yangi fasl 11-noyabr kuni dastlab to'rtta qism bilan efirga uzatiladi. Keyingi haftada yana ikki qism, undan keyingi haftada esa oxirgi ikki qism chiqadi.

Yangi faslda «Uzuklar hukumdori» olamidagi muhim davr ko'rsatiladi: Qorong'u hukmdor Sauron tomonidan Yagona uzukning yaratilishi. Serial J.R.R. Tolkien asarlariga asoslangan fantastik prikvel bo'lib, voqealar «Xobbit» (The Hobbit) va «Uzuklar hukumdori» (The Lord of the Rings)dan ming yillar oldin kechadi.

Hozirgacha serialning ikki fasli namoyish etilgan. Rotten Tomatoes saytida loyiha umumiy tomoshabinlar bahosi 48 foizni, tanqidchilar bahosi esa 84 foizni tashkil etadi. 2024-yilda chiqqan ikkinchi fasl tanqidchilardan 85 foiz, tomoshabinlardan esa 58 foiz olgan.

Ikkinchi fasl ishlab chiqarishida muhim o'zgarish bo'lgan: suratga olish ishlari Yangi Zelandiyadan Buyuk Britaniyaga ko'chirilgan. Xabarlarga ko'ra, Amazon serial huquqlarini 250 million dollarga olgan, birinchi fasl byudjeti esa 465 million dollar deb baholangan. Shu bilan birga, ikkala faslda ham tomoshabinlarni ushlab qolish ko'rsatkichlari pasaygani aytiladi, garchi Prime Video serial platforma uchun rekord darajadagi tomosha yig'ganini bildirgan bo'lsa ham.

Uchinchi fasl aktyorlar tarkibida Morfydd Clark, Robert Aramayo va Jamie Campbell Bower bor. Bundan tashqari, Peter Jackson suratga olgan O'rta Yer haqidagi olti film oralig'ida kechadigan yangi badiiy film ham ishlab chiqilmoqda va u 2027-yilda chiqarilishi rejalashtirilgan.

Treyler

«Uzuklar hukumdori: Qudrat uzuklari»ni FreeKino'da o'zbek tilida tomosha qilishingiz mumkin: «Uzuklar hukumdori: Qudrat uzuklari».

Manba: Collider