«Ko'k yo'l» serialining posteri va tizeri e'lon qilindi

Netflix bo'lajak «Ko'k yo'l» (The Blue Road) serialining asosiy posteri va tizerini chiqardi. Loyiha rejissyor Han Jun Hee tomonidan suratga olingan. U avval «D.P.» (D.P.) seriali va «Tangalar saqlanadigan shkafdagi qiz» (Coin Locker Girl) filmi bilan tanilgan. Yangi drama Koreya va Yaponiya hududlarida sodir bo'layotgan bir qator qotilliklarni ta'qib qilayotgan ikki detektiv haqida hikoya qiladi.

Serialda Son Suk Ku Seul metropoliten politsiyasi detektivi Kim Seok rolini ijro etadi. Nagayama Eita esa Tokio metropoliten politsiya departamenti detektivi Inose obrazida ko'rinadi. E'lon qilingan posterda ikki qahramon keskin kayfiyatdagi holatda tasvirlangan, fonidagi Yaponiya va Koreyaga oid belgilar esa chegaradan oshadigan qo'shma tergovga ishora qiladi.

Posterdagi Janubiy Koreya bayrog'iga o'ralgan va qizil muxlislik kiyimlarini kiygan odamlar 2002 yilgi Koreya-Yaponiya jahon chempionatini yodga soladi. «Chegaralar bo'ylab shafqatsiz qotilliklar, chigal haqiqat kutmoqda» degan tagline esa voqealarning tarixiy davri va ishning asl mohiyatiga qiziqishni kuchaytiradi.

Tizer sirli dori qadoqlaridan birini topib olgan qizaloqning noma'lum shaxs tomonidan o'g'irlab ketilishi bilan boshlanadi. Shundan so'ng qo'l-oyoqlari singan murda topilgani ko'rsatiladi. Kim Seok bu ish bo'yicha hamkorlik qilishga urinadi, biroq Inose uni rad etadi va unga faqat jinoyatchini tutish kerakligini aytadi. Bu ikki detektivning uslubi va munosabati turlicha ekani sabab tergov oson kechmasligini anglatadi.

Tizerda garnitura taqqan, suyaklar sinishi kabi g'alati tovushlarni tinglayotgan sirli erkak ham paydo bo'ladi. Shuningdek, Yaponiyada yashovchi koreys kelib chiqishidagi tadbirkor Lee Yoon Ok rolida Kim Shin Rock, Yaponiya jinoyat olamidagi ta'sirli shaxs Seo Hyun Tae rolida Jung Jae Young va Inose bilan ziddiyatga kirishadigan Milliy razvedka xizmati agenti Yoon Soo Kyung rolida Choi Sung Eun tanishtiriladi.

Treyler

Manba: Soompi