«Odisseya» Janubiy Koreya prokatida xorijiy filmlar orasida rekord o'rnatdi

Christopher Nolan'ning «Odisseya» (The Odyssey) filmi Janubiy Koreya prokati tarixida xorijiy filmlar orasida yangi rekord o'rnatdi. Film 11-oktabr holatiga ko'ra bu mamlakatda jami 139,2 milliard von, ya'ni 101,5 million dollar daromad to'pladi.

Shu tariqa, «Odisseya» Janubiy Koreya kassasida eng ko'p daromad qilgan xorijiy kartinaga aylandi. Mintaqada undan yuqori natija qayd etgan faqat ikki mahalliy film bor: Jang Hang-jun suratga olgan 2026-yildagi «Qirol qo'riqchisi» (The King's Warden) va Lee Byeong-heonning 2019-yilgi «Ekstremal ish» (Extreme Job) komediyasi. Nashr ma'lumotiga ko'ra, mamlakat aholisining taxminan 24 foizi «Odisseya»ni tomosha qilgan.

Film so'nggi dam olish kunlarida AQShda yana 2 million dollar ishlab, prokat top-10 taligidan joy oldi. Bu paytga kelib kartina kinoteatrlarda 13 haftadan beri namoyish etilmoqda.

Hozirga qadar «Odisseya»ning jahon bo'ylab umumiy yig'imi 1,779 milliard dollarga yetdi. Bu natija filmni inflyatsiya hisobga olinmagan ro'yxatda tarixdagi eng ko'p daromad qilgan 11-filmga aylantirdi. Filmda Tom Holland, Zendaya va Jon Bernthal ham rol ijro etgan.

Treyler

«Odisseya»ni FreeKino'da o'zbek tilida tomosha qilishingiz mumkin: «Odisseya».

Manba: Collider