«Yura davri dunyosi»ning yangi filmi rejissyori sifatida J.A. Bayona ko'rilmoqda

Ispaniyalik rejissyor Juan Antonio Bayona «Yura davri dunyosi» (Jurassic World) franshizasiga qaytishi mumkin. U Scarlett Johansson ishtirokidagi «Yura davri dunyosi: Qayta tug'ilish»ning davomiy filmiga rejissyorlik qilishi ehtimoli bor.

Avvalroq loyihani Gareth Edwards tark etgandi. Bunga Universal bilan yuzaga kelgan ijodiy kelishmovchiliklar sabab bo'lgan. Bayona bundan oldin Chris Pratt ishtirokidagi 2018 yilgi ikkinchi «Yura davri dunyosi» filmini suratga olgan. O'sha kartina prokatda 1,3 mlrd dollar ishlab topgan.

Franshizaning hisob bo'yicha beshinchi qismini suratga olishni 2027 yilda boshlash rejalashtirilgan. Kutilishicha, Scarlett Johansson, Jonathan Bailey va Mahershala Ali o'z rollariga qaytadi. «Yura davri dunyosi: Qayta tug'ilish» 2025 yilda chiqarilgan va dunyo bo'ylab 872 mln dollar yig'gan.

Juan Antonio Bayona avval «Boshpana» (El Orfanato), «Imkonsiz» (The Impossible), «Qor birodarligi» (Society of the Snow), «Mahluq ovozi» (A Monster Calls) filmlarini, shuningdek Amazon uchun «Uzuklar hukmdori: Qudrat uzuklari» (The Lord of the Rings: The Rings of Power) serialining bir necha qismini ham suratga olgan.

Treyler

Franshizaning avvalgi filmlarini FreeKino'da o'zbek tilida ko'rishingiz mumkin: «Yura davri dunyosi 3: Hukmronlik».

Manba: Film.ru