«Garri Potter» serialidan Xogvarts bazmi aks etgan 90 soniyalik lavha chiqdi
HBO bo'lajak «Garri Potter» (Harry Potter) serialidan 90 soniyalik kutilmagan lavhani e'lon qildi. Unda Xogvartsga yangi kelgan o'quvchilar fakultetlarga ajratilgach, o'quv yili boshidagi bazm sahnasi ko'rsatiladi. Serial premyerasi 25 dekabr kuni HBO'da bo'lib o'tadi.
Sahnada Garri Potter rolidagi Dominic McLaughlin Albus Dumbledore haqida uning "biroz telbaroq" ekanini so'raydi. Ron Uizli rolini ijro etgan Alastair Stout esa bunga "ha, butunlay g'alati" deya javob beradi. Shundan so'ng Dumbledore barmoqlarini qarsillatadi va bazm dasturxoni paydo bo'ladi.
Keyin Dumbledore Minerva McGonagall'dan Garri Gryffindor'ga tushganidan mamnunmi, deb so'raydi. McGonagall uni James Potter'ga juda o'xshatishini aytadi va bu o'xshashlik hayratlanarli ekanini qo'shimcha qiladi. Dumbledore esa tashqi ko'rinish aldamchi bo'lishi mumkinligini, Garrining fe'l-atvori esa butunlay o'ziga xos ekanini ta'kidlaydi.
Serial aktyorlar tarkibida yana Hermione Granger rolida Arabella Stanton, Severus Snape rolida Paapa Essiedu, Rubeus Hagrid rolida Nick Frost, shuningdek Harry'ning xolasi va tog'asi Petunia hamda Vernon Dursley rollarida Bel Powley va Daniel Rigby bor.
«Merosxo'rlar» (Succession) ustida ishlagan Francesca Gardiner va Mark Mylod loyiha mualliflari sifatida qatnashmoqda. Gardiner serial yaratuvchisi va ijrochi prodyuser, Mylod esa bir nechta qismlarga rejissyorlik qiladi hamda ijrochi prodyuser sifatida ham ishlaydi.
Treyler
Manba: Deadline