«Yovuzlik maskani» va «Yovuzlik maskani: Qiyomat» Netflix'ga qo'shildi
Milla Jovovich bosh rolni ijro etgan «Yovuzlik maskani» (Resident Evil) va uning davomi «Yovuzlik maskani: Qiyomat» (Resident Evil: Apocalypse) 1 noyabrdan Netflix'da namoyish etila boshladi. Ikkala film ham AQSh kutubxonasiga bir kunda qo'shildi.
2002 yilda chiqqan birinchi filmga Paul W.S. Anderson ssenariy yozgan va o'zi rejissyorlik qilgan. Unda Alice kimligi va nima sababdan qasrda uyg'onganini eslamaydigan qahramon sifatida tanishtiriladi. Xavfsizlik guruhi uni Umbrella'ning yer osti tadqiqot majmuasi bo'lgan Hive'ga olib tushadi. Bu yerda T-virus kompaniya xodimlarini xavfli mavjudotlarga aylantirgan bo'ladi. Filmda Michelle Rodriguez Rain Ocampo rolini ijro etgan.
«Yovuzlik maskani: Qiyomat» filmiga esa Alexander Witt rejissyorlik qilgan, ssenariy muallifi yana Anderson bo'lgan. Davomiy qismda infeksiya Raccoon City bo'ylab tarqaladi. Alice tirik qolganlar safiga qo'shiladi, ular orasida Sienna Guillory ijro etgan Jill Valentine va Oded Fehr gavdalantirgan Carlos Oliveira ham bor. Shu bilan birga, Umbrella o'z tajribalari oqibatini nazorat ostiga olishga urinadi.
Ikkinchi filmda Nemesis ham jonli ijroda paydo bo'ladi. Birinchi qismdagi yopiq yer osti muhitidan farqli ravishda, davomiy voqealar shahar ko'chalariga chiqadi. Shu tariqa film o'yinlarga yaqinroq qahramonlar va kengroq maydon bilan davom etadi.
Manbada ta'kidlanishicha, ushbu ikki film Alice'ning Umbrella Corporation'ga qarshi uzoq kurashi qanday boshlanganini ko'rsatadi. Milla Jovovich ijro etgan qahramon original o'yinlarda bo'lmagan bo'lsa ham, olti film davomida franshizaning eng taniqli yuzlaridan biriga aylangan.
Treyler
Manba: Collider
