«Masxaraboz U: Derryga xush kelibsiz» kutilmagan yangi qism bilan qaytdi

HBO Max «Masxaraboz U: Derryga xush kelibsiz» (IT: Welcome to Derry) seriali olamiga tegishli yangi maxfiy qismni rasman chiqardi. «Masxaraboz U: Derry haqidagi hikoya» (IT: A Story of Derry) nomli bu epizod hozirning o'zida platformada tomosha uchun mavjud.

Yangi qism voqealari «Masxaraboz U» tarixidagi yanada oldingi davrda, maxluq hali Pennywise raqs tushuvchi masxaraboz qiyofasini olmasidan ancha avval kechadi. Markazda uch nafar yosh tub amerikalik ayol turadi: ular Derry shahri nomini yomonotli qilgan, deyarli o'lmas va qiyofa o'zgartira oladigan mahluq bilan ilk bor to'qnash keladi. Epizod franchayz mifologiyasini chuqurroq ochadi va Stephen King kitobidagi noodatiy g'oyalardan ayrimlarini ham o'z ichiga oladi.

Qismda Zahn McClarnon ham kutilmagan tarzda ko'rinish beradi. Aktyor avval «Qorong'u shamollar» (Dark Winds) va «G'arb olami» (Westworld) loyihalari bilan tanilgan.

Serialning 1-fasli Andy Muschietti suratga olgan asl «Masxaraboz U» filmi voqealaridan 27 yil avvalgi davrda o'tadi. Unda 1960-yillarda yangi bir guruh bolalar Pennywise laqabli qotil masxaraboz ta'qibiga uchraydi. Bu rolni filmlardagi obraziga qaytgan Bill Skarsgard ijro etgan. Serial HBO Max tarixidagi eng ko'p tomosha qilingan loyihalardan biriga aylangach, u 2-faslga uzaytirilgan edi.

2-fasl hozir dastlabki ishlab chiqish bosqichida. Serial hammuallifi va prodyuseri Andy Muschietti avval Variety'ga bergan intervyusida yangi fasl butunlay boshqa hikoya va yangi qahramonlarga bag'ishlanishini aytgandi. Voqealar bu safar 1935-yilda kechadi, markazda esa Bradley Gang nomli jinoyatchilar guruhi bo'ladi. Ular masxaraboz bilan to'qnash keladi; bu qahramon 1-faslning kirish sahnasida ham qisqa ko'ringan.

Treyler

«Masxaraboz U: Derryga xush kelibsiz»ni FreeKino'da o'zbek tilida tomosha qilishingiz mumkin: «Masxaraboz U: Derryga xush kelibsiz».

Manba: Collider