«O'lim ro'yxati» 2-fasli Prime Video'da barcha 8 qism bilan chiqdi
Chris Pratt bosh rolni ijro etgan «O'lim ro'yxati» (The Terminal List) 2-fasli Prime Video'da chiqdi. Yangi mavsumning barcha sakkiz qismi bir vaqtning o'zida platformaga joylandi.
Ikkinchi fasl Jack Carr'ning bestseller romani «Haqiqiy e'tiqodli» (True Believer) asosida suratga olingan. Unda Pratt gavdalantirgan James Reece bu safar birinchi mavsumdagi shaxsiy qasos hikoyasidan ancha kengroq ko'lamdagi xalqaro fitna ichiga tortiladi.
Voqealar davomida Reece oldingi ro'yxatini yakunlaganidan keyin hayotini qanday davom ettirishni bilmay qoladi. Uni CIA topadi va yangi vazifa beradi. Terrorchi tashkilotni to'xtatish topshirig'i ortidan qahramon Moskva va Langley'ga qadar cho'zilgan yirik fitnaga duch keladi hamda avval quvlagan odamlardan ko'ra ancha katta imkoniyatlarga ega dushmanlarga qarshi chiqadi.
Serial aktyorlar tarkibida Chris Pratt bilan birga Constance Wu Katie Buranek rolida, shuningdek Tom Hopper, Dar Salim, Luke Hemsworth, Gabriel Luna va Arnold Vosloo ham bor.
«O'lim ro'yxati»ning ilk fasli 2022-yilda chiqqan edi. Unda Reece maxfiy va xavfli topshiriq paytida Navy SEAL bo'linmasi nega pistirmaga uchraganini tergov qilgan. Keyin loyiha «O'lim ro'yxati: Qorong'u bo'ri» (The Terminal List: Dark Wolf) bilan kengaytirildi, unda 1-fasl aktyori Taylor Kitsch yetakchi qahramonga aylangan, Pratt esa James Reece obraziga takroran qaytgan.
Treyler
«O'lim ro'yxati»ni FreeKino'da o'zbek tilida tomosha qilishingiz mumkin: «O'lim ro'yxati».
Manba: Collider
