Çağdaş Onur Öztürk 1979-yil 16-avgustda Sivasda tug‘ilgan. Ege universitetining Landshaft arxitekturasi fakultetida o‘qiyotganda, fakultetning teatr klubida ishlagan. Universitetni tamomlagach, harbiy xizmatini o‘tab, qaytganidan so‘ng farmatsevtika kompaniyasida vakil sifatida ishlagan. Keyin esa Anadolu universiteti Davlat konservatoriyasi San'atlar bo‘limiga o‘qishga kirib, tamomlagan. Ushbu maktabda o‘qiyotganda, 2008-yilda "Gazi" teleseriali bilan televideniye olamiga qadam qo‘ygan. 2009-yilda "Sakarya Fırat" serialida, 2011-yilda esa "Kuzey Güney" teleserialida rol o‘ynagan. 2014-yilda "Tut Sözünü" va "Kendime iyi bak" filmlarida ham ishtirok etgan. 2016-yilda "Diriliş Ertuğrul" serialida ham ko‘rinish bergan.
