Anupam Kher (1955-yil 7-martda tug‘ilgan) — asosan hind tilidagi filmlarda ishlaydigan hind aktyori, rejissyor va produserdir. U deyarli 400 ta film va 100 ta spektaklda ishtirok etgan. Kher turli xil xarakterlarni, jumladan, ko‘plab tanqidchilar tomonidan yuqori baholangan bosh yoki parallel rollarni o‘ynagan. Hindiston hukumati uni 2004-yilda Padma Shri va 2016-yilda Padma Bhushan mukofotlari bilan hind kino va san'atiga qo'shgan hissasi uchun taqdirlagan. Kher xalqaro miqyosda "Bend It Like Beckham" (2002), "Bride and Prejudice" (2004) va "The Mistress of Spices" (2005) filmlari bilan tanilgan. 2012-yilda u Oskar mukofotiga sazovor bo‘lgan "Silver Linings Playbook" filmida hamkorlikda rol o‘ynagan.
